సీఎం వస్తున్నారని హడావుడి పనులు

జనార్దన్‌రెడ్డి విగ్రహం వద్ద కాలువపై బండ వేస్తున్న కార్మికులు

వెంకటగిరి: త్రిభువని కూడలి వద్ద సీఎం సభ ఏర్పాటు చేశారు. మాజీ సీఎం జనార్దన్‌రెడ్డి విగ్రహం ముందు భాగంలో కాలువపై బండ పగిలిపోయింది. పురపాలిక అధికారులు హుటాహుటిన కాలువపై సిమెంట్‌తో బండపోశారు. మరోవైపు ఉన్న కాలువ, రోడ్డు పూర్తిగా దెబ్బతిన్నా మరమ్మతు చేయలేదు. కేవలం ఓ మార్గంలోనే సీఎం వస్తుండడంతో ఈ ప్రాంతంలో బాగు చేశారు. కాగా.. ప్రభుత్వ జూనియర్‌ కళాశాల మైదానంలో హెలిపాడ్‌ సిద్ధం చేశారు. ఆదివారం ప్రత్యేక వాహనంలో సీఎం త్రిభువని చేరుకుంటారు. బస్సులో నుంచి ప్రసంగిస్తారు. పోలీసులు శనివారం వాహనాల ట్రయల్‌ రన్‌ నిర్వహించారు. దుకాణాలు మూసేయాలని చెప్పారు.