ఆలయంలో అధికార పార్టీ ప్రచారం

బజారువీధి రామ మందిరంలో బంగారు వ్యాపారులతో మాట్లాడుతున్న వైకాపా అభ్యర్థి రామ్‌కుమార్‌రెడ్డి

వెంకటగిరి, న్యూస్‌టుడే: పట్టణంలోని బజారువీధి రామమందిరంలో సోమవారం రాత్రి అధికార పార్టీ అభ్యర్థి నేదురుమల్లి రామ్‌కుమార్‌రెడ్డి ప్రచారం చేపట్టారు. స్థానిక బంగారు వ్యాపారులతో సమావేశం నిర్వహించారు. వచ్చే నెల జరగనున్న సార్వత్రిక ఎన్నికల్లో తనకు ఓటేసి అత్యధిక మెజారిటీతో గెలిపించాలని కోరారు. రామమందిరంలో సమావేశం నిర్వహించడంపై సర్వత్రా చర్చనీయాంశంగా మారింది. కౌన్సిలర్‌ ఢిల్లీబాబు, నేతలు వెంకటేశ్వరరావు, బ్రహ్మయ్య,రామారావు, బంగారు వ్యాపారులు పాల్గొన్నారు.