ఆభరణాలు అందాన్ని మరింత పెంచుతాయి: రాశీ ఖన్నా

హైదరాబాద్‌: మగువల అందాన్ని ఆభరణాలు రెట్టింపు చేస్తాయని ప్రముఖ సినీనటి రాశి ఖన్నా అన్నారు. బంజారా హిల్స్ రోడ్ నెంబర్ 2 లోని లుంబిని జ్యువెల్ మాల్‌లో ఉన్న మంగత్రయి నీరజ్ ఆధ్వర్యంలో శనివారం "వీనస్ - ద గాడెస్ ఆఫ్ ఎమరాల్డ్" పేరుతో ప్రత్యేక కలెక్షన్‌ను ఆవిష్కరించారు. ఈ కార్యక్రమానికి ముఖ్య అతిథిగా విచ్చేసిన రాశి ఖన్నా అక్కడ ఏర్పాటు చేసిన పలు ఆభరణాలను ధరించారు. అనంతరం ఆమె మీడియాతో మాట్లాడుతూ.. మన సంప్రదాయాలకు ఆధునికతను మేళవిస్తూ ఇక్కడ రూపొందించిన ఆభరణాలు తనకు ఎంతగానో నచ్చాయన్నారు. ప్రతి మహిళ ఆభరణాలను ధరించడానికి ఇష్టపడుతుందని అలాగే తనకు కూడా ఆభరణాలు ధరించడం ఇష్టమన్నారు. కార్యక్రమంలో భాగంగా పలువురు మోడల్స్ నగలను ధరించి సందడి చేశారు.