కారులోనే పెళ్లి.. ఠాణాకు చేరిన పంచాయితీ
నటుడు యాష్, నటి ఓవియా నటించిన కిరాకత అనే కన్నడ సినిమా మాదిరిగా ఓ ప్రేమ జంట కారు వెనుక సీటునే పెళ్లి పందిరిగా..ఆడియో నుంచి వచ్చే మంగళ వాయిద్యాలు..వేదమంత్రాలుగా భావించి దండలు మార్చుకుని పెళ్లి చేసుకున్నారు.
తెక్కల కోటలో సంఘటన
కారులోనే పెళ్లి చేసుకున్న ప్రేమ జంట
బళ్లారి, న్యూస్టుడే: నటుడు యాష్, నటి ఓవియా నటించిన కిరాకత అనే కన్నడ సినిమా మాదిరిగా ఓ ప్రేమ జంట కారు వెనుక సీటునే పెళ్లి పందిరిగా..ఆడియో నుంచి వచ్చే మంగళ వాయిద్యాలు..వేదమంత్రాలుగా భావించి దండలు మార్చుకుని పెళ్లి చేసుకున్నారు. ఈ వీడియో సామాజిక మాధ్యమాల్లో చక్కర్లు కొట్టింది. యువతి తల్లిదండ్రులకు ఇష్టం లేకపోవడంతో పోలీసులను సంప్రదించారు. తెక్కలకోట పోలీసుల వివరాల ప్రకారం.. జిల్లాలోని సిరుగుప్ప తాలూకా తెక్కలకోటెకు చెందిన శివప్రసాద్ డిప్లొమా చదువుకున్నారు. కొప్పళ జిల్లాకు చెందిన అమృత డిగ్రీ చేసింది. ఇద్దరూ వేర్వేరు ప్రాంతాలకు చెందిన వారైనా వారి పరిచయం ప్రేమకు దారితీసింది. అక్కడితో ఆగిపోకుండా పెళ్లి చేసుకోవాలని నిర్ణయించుకున్నారు. వేర్వేరు కులాలు కావడంతో పెద్దలు అడ్డుకుంటున్నారని కిరాకత సినిమా మాదిరిగానే కారు వెనుక సీటులో దండలు మార్చుకున్నారు. ఈ వీడియో సామాజిక మాధ్యమాల్లో చక్కర్లు కొట్టింది. చివరికి వారు మంగళవారం సాయంత్రం సిరుగుప్ప తాలూకా తెక్కలకోటె పోలీసులను సంప్రదించారు. ఇద్దరు మేజర్లు కావడంతో పోలీసుల సమక్షంలో తల్లిదండ్రులను కూర్చోబెట్టి యువతిని అభిప్రాయాలు కోరడంతో మొదట భర్త శివప్రసాద్ కావాలి. కొద్ది సేపటికే తల్లిదండ్రులు కావాలని సమాధానం చెప్పడంతో పోలీసులకు తలనొప్పిగా మారింది. అప్పటికే రాత్రి కావడంతో పోలీస్ స్టేషన్లో ఉంచుకోవడం మంచిది కాదని మహిళా పోలీసుల సహకారంతో మంగళవారం రాత్రి కంటోన్మెంట్లోని స్త్రీసేవా నికేతన్ సాంత్వన కేంద్రానికి తరలించారు. ఈ సందర్భంగా భర్త శివప్రసాద్ వాహనానికి అడ్డంగా కూర్చుని అమృతను ఇష్టప్రకారమే పెళ్లి చేసుకున్నా. దండలు మార్చుకోవడమే కాదు. మెడలో నల్లపూసల దండ కూడా ఉంది. తన భార్యను వెంట పంపించాలని వేడుకున్నాడు. యువతి అభిప్రాయం మేరకు బుధవారం నిర్ణయం తీసుకుంటామని పోలీసులు ఆమెను తీసుకెళ్లారు. బుధవారం తెక్కలకోటె పోలీసులు అమృతను వాహనంలో తెక్కలకోటె పోలీస్ స్టేషన్కు తీసుకుని వెళ్లారు. ఇద్దరూ మేజర్లు కావడంతో యువతి తీసుకునే నిర్ణయంపై పోలీసులు ముందుకు వెళ్తారు. మొదట పెద్దల సమక్షంలో పంచాయితీ చేసి అనంతరం యువతి అభిప్రాయాలను వీడియో రికార్డ్ చేసి వారి వెంట పంపుతామని తెక్కలకోటె పోలీసులు తెలిపారు.
ప్రేమించి కారులోనే పెళ్లి చేసుకున్న యువ జంట ఒక్కటయ్యారు. యువతి మనసు గందరగోళంగా ఉండటంతో మంగళవారం రాత్రి బళ్లారి సాంత్వన కేంద్రంలో ఉంచారు. బుధవారం సాయంత్రం తెక్కలకోటె పోలీస్ స్టేషన్లో అమృత తల్లిదండ్రులు, శివప్రసాద్ తల్లిదండ్రుల మధ్య పోలీసులు పంచాయితీ చేశారు. చివరికి యువతి ప్రేమించి పెళ్లి చేసుకున్న శివప్రసాద్ ఇంటికే వెళ్తున్నట్లు తెలిపింది. ఈ నేపథ్యంలో పోలీసులు ఇరువర్గాల నుంచి వీడియోరికార్డ్ చేసుకుని అమృతను శివప్రసాద్ వెంట పంపారు. ఆద్యంతం సాగిన ఈ కథ చివరికి సుఖాంతమైంది. పోలీసులు ఊపిరి పీల్చుకున్నారు.
తెక్కలకోటె పోలీస్ స్టేషన్ వద్ద అడ్డుకుంటున్న యువకుడు, స్నేహితులు
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
లింగాయత్ల గ్యారంటీ.. విజయానికి దివిటీ
[ 03-05-2024]
కన్నడనాట ఈనెల 7న జరగనున్న 14 నియోజకవర్గాల ఎన్నికల్లో అత్యధిక స్థానాలు లింగాయత్ల ప్రాబల్యం ఉన్నవే! ఏప్రిల్ 26న ఎన్నికలు నిర్వహించిన 14 క్షేత్రాల్లో ఒక్కలిగల బలం ఎక్కువగా ఉంటే.. మలివిడత ఆ ఘనత లింగాయత్లదే. -
పెద్ద కుటుంబానికి తలవంపులు
[ 03-05-2024]
లైంగిక దౌర్జన్యం ఆరోపణలు ఎదుర్కొంటున్న మాజీ మంత్రి హెచ్డీ రేవణ్ణ సిట్ అధికారుల ముందు గురువారం విచారణకు హాజరు కాలేదు. హాసన నుంచి భార్య భవానీతో కలిసి బెంగళూరుకు చేరుకున్న ఆయన పద్మనాభనగరలోని తండ్రి, మాజీ ప్రధాని దేవేగౌడ నివాసానికి వెళ్లారు. -
రాజకీయ వింతలు.. ప్రచారం కొత్తపుంతలు
[ 03-05-2024]
రాష్ట్రంలో రెండోదశ ఎన్నికలకు సమయం ముంచుకొస్తున్న కొద్దీ నేతల నోట ప్రజా సంక్షేమం, ప్రగతి మాట కంటే వివాదాస్పద అంశాలే దొర్లుతున్నాయి. ఎన్నికల ముందు ప్రణాళికల్లో రచించుకున్న దీర్ఘకాలిక లక్ష్యాల కంటే రోజువారీ సంఘటన అంశాలతో నేతలు ప్రచారాన్ని నెగ్గుకొస్తున్నారు. -
ప్రేమించలేదని.. వివాహిత ఇంటికి నిప్పు
[ 03-05-2024]
తనను పెళ్లి చేసుకోవాలంటూ ఒక వివాహితను వేధిస్తూ.. ఆమె అందుకు నిరాకరించడంతో ఇంటికి నిప్పు పెట్టిన అర్బాజ్ అనే పిచ్చి ప్రేమికుడ్ని సంపిగెహళ్లి ఠాణా పోలీసులు అరెస్టు చేశారు. -
సిద్ధు సర్కారు అన్ని రంగాల్లో విఫలం
[ 03-05-2024]
రాష్ట్రంలో అధికారంలో ఉన్న కాంగ్రెస్ ప్రభుత్వం అన్ని రంగాల్లో విఫలమైందని భాజపా అగ్రనేత, మాజీ ముఖ్యమంత్రి బి.ఎస్.యడియూరప్ప ఆరోపించారు. ఎన్నికల ప్రచారంలో భాగంగా బళ్లారి లోక్సభ భాజపా అభ్యర్థి బి.శ్రీరాములు తరఫున యడియూరప్ప కురుగోడు తాలూకాలో ప్రచారం నిర్వహించారు. -
కల్యాణ్ జువెలరీ దుకాణంలో అగ్నిప్రమాదం
[ 03-05-2024]
బళ్లారి నగరం తేరువీధిలో మార్టిన్ మార్గంలో ఉన్న కల్యాణ్ జువెలరి దుకాణంలో గురువారం సాయంత్రం జరిగిన అగ్నిప్రమాదంలో ఐదుగురు కార్మికులు గాయపడ్డారు. -
హరపనహళ్లిని ప్రగతి దారిలో నడిపించేదెవరు?
[ 03-05-2024]
దావణగెరె లోక్సభ నియోజకవర్గం, ప్రస్తుతం విజయనగర జిల్లా పరిధిలోకి వచ్చే, వెనుకబడిన తాలూకా హరపన హళ్లి అసెంబ్లీ నియోజకవర్గానికి ప్రాధాన్యం ఉంది. ఇప్పటి వరకు హరపన హళ్లి నియోజకవర్గంలో ఎమ్మెల్యేలుగా గెలిచివారిలో సగంకన్నా ఎక్కువ మంది స్థానికేతరులే కావడం ప్రత్యేకం. -
ఓటేస్తే..ఉచితంగా నేత్రాలంకరణ
[ 03-05-2024]
తమకే ఓటు వేయాలని ఓటర్లకు తాయిలాలు ఇచ్చేవారే ఎక్కువ. ఇక్కడో యువతి ఓటు శాతం పెరగాలని ఓటేసి వచ్చిన మహిళలకు ఉచితంగా ఐబ్రో అలంకరణ భాగ్యాన్ని కల్పిస్తానని ప్రకటించారు.
తాజా వార్తలు (Latest News)
-
సునీత, వైఎస్ షర్మిల పిటిషన్లపై హైకోర్టు కీలక ఆదేశాలు
-
సూచీలకు ‘హెవీ’ స్ట్రోక్.. 700 పాయింట్లు కోల్పోయిన సెన్సెక్స్
-
రోహిత్ తర్వాత పాండ్యనే కెప్టెన్.. మరింత బాధ్యతగా ఆడాలి: మాజీ క్రికెటర్
-
భారత కంపెనీపై దిల్లీ హైకోర్టుకు టెస్లా.. కారణం ఇదే..
-
నా స్థాయికి తగ్గ బౌలింగ్ చేయలేకపోయా: ముంబయి స్టార్ ఆల్రౌండర్
-
బజాజ్ కొత్త పల్సర్ NS400Z.. టాప్ స్పీడ్ 154kph