‘మంత్రి కొడాలి నానిని బర్తరఫ్‌ చేయాలి’

నిరసనలో భాజపా నాయకులు

మచిలీపట్నం (గొడుగుపేట), న్యూస్‌టుడే: కొడాలి నానిని మంత్రి పదవినుంచి బర్తరఫ్‌ చేయాలని భాజపా నాయకులు డిమాండ్‌ చేశారు. గుడివాడ వెళ్తున్న భాజపా రాష్ట్ర నాయకులను అరెస్టు చేయడాన్ని నిరసిస్తూ గురువారం పార్టీ నాయకులు నూకల శేషయ్యనాయుడు ఆధ్వర్యంలో నగరంలో నిరసన చేపట్టారు. ఈ సందర్భంగా పాల్గొన్న పార్టీ నాయకులు మాట్లాడుతూ సంప్రదాయంగా నిర్వహించుకునే సంక్రాంతి పండుగ సమయంలో క్యాసినో నిర్వహించినవారిపై విచారణ చేసి తక్షణ చర్యలు తీసుకోవాలని డిమాండ్‌ చేశారు. జిల్లా కార్యదర్శి తిరుమలశెట్టి శంకరయ్య పద్మజ, ఎం.రాము, రాంబాబు, మత్తి వెంకటేశ్వరరావు, అంజనా దేవి వెన్నా ఫణి, బొడ్డు సునీల్‌, వెన్నా ఫణి తదితరులు పాల్గొన్నారు.