సందేహాలుంటే.. ఫోన్‌ కొట్టండి

మే 13న పార్లమెంటు ఎన్నికల్లో ఓటు వేసేందుకు పోలింగ్‌ కేంద్రాల్లో కావాల్సిన ఏర్పాట్లు చేస్తున్నారు. బయట గోడలపై పోలింగ్‌ కేంద్రం, పార్లమెంటు, అసెంబ్లీ నియోజకవర్గ నంబర్లు వేస్తున్నారు. దీంతో పాటు పోలింగ్‌ కేంద్రం, బీఎల్‌వో, సూపర్‌వైజర్‌, ఏఈఆర్వో పేర్లు, చరవాణి నంబర్లు అందరికీ తెలిసేలా రాశారు. ఇంకా   ఏవైనా వివరాలు కావాలంటే సెక్టోరల్‌ అధికారి, పోలింగ్‌ బూత్‌ పరిధిలోకి వచ్చే పోలీసు అధికారి, నియోజకవర్గ ఏఆర్వోతో పాటు ఎన్నికల రిటర్నింగ్‌ అధికారి పేర్లు, చరవాణి సంఖ్యలు కూడా ఉంచారు. సహాయ కేంద్రం నంబరు 1950ను సైతం రాశారు. పోలింగ్‌ రోజున ఏమైనా ఇబ్బందులుంటే ఆ నంబర్లకు ఓటర్లు ఫోన్‌ చేయొచ్చు. గత అసెంబ్లీ ఎన్నికల్లో బీఎల్‌వో పేరు, వారి చరవాణి నంబరు మాత్రమే ఉండేది.

న్యూస్‌టుడే, నిజామాబాద్‌ కలెక్టరేట్‌

నిజామాబాద్‌ అర్బన్‌లో ఓ పోలింగ్‌ కేంద్రం వద్ద రాసిన వివరాలు