కుమారుడిని నరికి చంపిన తండ్రి

నవరంగపూర్‌: నవరంగపూర్ జిల్లా నందపండి సమితి టెంటులిఘంటి పోలిస్ స్టేషన్ పరిధిలో ఉన్న దండ్ర గ్రామంలో కన్న తండ్రి తన కుమారుడిని కత్తితో నరికి చంపిన ఘటన చర్చనీయాంశమైంది. పోలీసులు తెలిపిన వివరాలు ప్రకారం.. గ్రామానికి చెందిన జోగేశ్వర్ నాయక్‌ ఆదివారం మద్యం తాగి.. ఇంటికి వచ్చి కుటుంబసభ్యులతో గొడవకు దిగాడు. అతడిని సముదాయించేందుకు పెద్ద కుమారుడు దేవ్ నాయక్ (22), సోదరుడు అభిమన్యు ఇంటి బయటకు తీసుకొచ్చారు. జోగేశ్వర్‌కు నచ్చజెప్పుతుండగా, మద్యం మత్తులో మరింత కోపోద్రిక్తుడై కుమారుడిని కత్తిలో నరికాడు. అడ్డు వచ్చిన సోదరుడిపై దాడి చేయడంతో అభిమన్యు స్వల్పంగా గాయపడ్డాడు. దేవ్‌ కేకలు విని చుట్టుపక్కలవారు వెంటనే అంబులెన్స్‌లో అతడిని ఆసుపత్రికి తరలించంగా అప్పటికే దేవ్‌ మృతి చెందినట్టు వైద్యులు ధ్రువీకరించారు. సోమవారం శవ పరీక్ష అనంతరం పోలీసులు మృతదేహాన్ని కుటుంబ సభ్యులకు అప్పగించారు. జోగేశ్వర్‌ను అరెస్టు చేసి కోర్టుకు తరలించారు.