ఆసియా జూనియర్ అథ్లెటిక్స్‌లో నవరంగపూర్‌కు కాంస్యం

నవరంగపుర్‌: దుబాయిలో జరిగిన ఆసియా జూనియర్ అథ్లెటిక్స్‌లో నవరంగపుర్‌ జిల్లాకు చెందిన బాలుడు విజయం సాధించాడు. ఉమ్మర్‌కోట్‌కు చెందిన మహేంద్ర శాంటా  400 మీటర్ల పరుగు పందెంలో భారత్ తరఫున ఆడి కాంస్య పథకం సాధించి అందరి ప్రశంసలు అందుకున్నాడు. అంతర్జాతీయ స్థాయిలో పథకం సాధించిన మహేంద్రను భారత ప్రభుత్వం, రాష్ట్ర ప్రభుత్వం అభినందించింది. ఈ సందర్భంగా తండ్రి బిశ్వ శాంటా ముట్లాడుతూ.. మారుమూల ప్రాంతానికి చెందిన కుమారుడు ఇంతటి విజయం సాధించటం గర్వకారణంగా ఉదని పేర్కొన్నారు. రాష్ట్ర ప్రభుత్వం సహకరిస్తే మరెన్నో విజయాలు సాధించి జిల్లా, రాష్ట్ర, దేశ కీర్తి ప్రతిష్టలు పెంచుతాడని పేర్కొన్నారు.