వైకాపా నేత అయినాబత్తిన తెదేపాలో చేరిక

ఎంపీ, అసెంబ్లీ తెదేపా అభ్యర్థులు మాగుంట శ్రీనివాసులురెడ్డి, దామచర్ల జనార్దన్‌ సమక్షంలో పార్టీలో చేరిన అయినాబత్తిన ఘనశ్యామ్‌

ఒంగోలు గ్రామీణం, న్యూస్‌టుడే: ఒంగోలులో బుధవారం జరిగిన ఓ కార్యక్రమంలో వైకాపా నాయకుడు, ఏఎంసీ మాజీ ఛైర్మన్‌ అయినాబత్తిన ఘనశ్యామ్‌ తెదేపాలో చేరారు. ఆయనకు పార్లమెంట్‌, అసెంబ్లీ తెదేపా అభ్యర్థులు మాగుంట శ్రీనివాసులురెడ్డి, దామచర్ల జనార్దన్‌ కండువా కప్పి పార్టీలోకి ఆహ్వానించారు. కార్యక్రమంలో పార్టీ నాయకులు బెల్లం సత్యనారాయణ, తాతా ప్రసాద్‌, పెద్దిరెడ్డి సూర్యప్రకాష్‌రెడ్డి తదితరులు పాల్గొన్నారు.