తెదేపాలో చేరిన వార్డు వాలంటీర్లు

మాజీ ఎమ్మెల్యే అశోక్‌రెడ్డి సమక్షంలో పార్టీలో చేరిన తిమ్మాపురం వాలంటీర్లు

గిద్దలూరు పట్టణం, న్యూస్‌టుడే : ప్రకాశం జిల్లా గిద్దలూరు మండలం తిమ్మాపురం గ్రామానికి చెందిన అయిదుగురు వాలంటీర్లు గురువారం రాజీనామా చేసి వైకాపాను వీడి తెదేపా చేరారు. వాలంటీర్లు మర్రి మల్లికార్జున, మీనిగె మనోహర్‌, గద్దల రంగస్వామి, సప్పరపు వెంకటరమణ, బాసికం వెంకటసుబ్బయ్యలు రాజీనామా చేసి మాజీ ఎమ్మెల్యే, గిద్దలూరు తెదేపా నియోజకవర్గ అభ్యర్థి ముత్తుముల అశోక్‌రెడ్డి సమక్షంలో తెదేపా తీర్థం పుచ్చుకున్నారు. వారికి అశోక్‌రెడ్డి తెదేపా కండువా కప్పి పార్టీలోకి ఆహ్వానించారు.