హోటల్‌ టమోటా సాస్‌లో పురుగులు

సిబ్బందిపై నటుడు విజయ్‌ విశ్వ ఆగ్రహం

విల్లివాక్కం, న్యూస్‌టుడే: నీలగిరి జిల్లా కున్నూర్‌లోని ఓ ప్రైవేట్‌ హోటల్‌లో సప్లై చేసిన టమోటా సాస్‌లో పురుగులు ఉండటం చూసి నటుడు విజయ్‌ విశ్వ దిగ్భ్రాంతి చెందారు. దీని గురించి ఆయన తన సామాజిక మాధ్యమంలో చేసిన పోస్టు వైరల్‌గా మారిది. యువనటుడు విజయ్‌ విశ్వ.. నీలగిరి జిల్లా ఊటీ పర్యాటకానికి కుటుంబ సమేతంగా వెళ్లారు. అక్కడ కున్నూర్‌లోని ఓ ప్రైవేట్‌ హోటల్‌లో ఆదివారం మధ్యాహ్నం భోజనానికి వెళ్లారు. అక్కడ ఉంచిన టమోటా సాస్‌ వాసన రావడంతో డబ్బా మూత తీసి చూడగా అందులో పురుగులు కనిపించాయి. సిబ్బందిని ప్రశ్నించగా నిర్లక్ష్యంగా సమాధానమిచ్చినట్లు ఆయన పేర్కొన్నారు.