ప్రకాశ్‌రాజ్‌కు అంబేడ్కర్‌ చుడర్‌ అవార్డు: వీసీకే

సైదాపేట, న్యూస్‌టుడే: ప్రముఖ నటుడు ప్రకాశ్‌రాజ్‌కు 2024 ఏడాదికి అంబేడ్కర్‌ చుడర్‌ అవార్డు ఇవ్వనున్నట్లు వీసీకే అధ్యక్షుడు తిరుమాళన్‌ తెలిపారు. ఆయన విడుదల ప్రకటనలో.. వీసీకే తరఫున తమిళనాడు, జాతీయస్థాయిలో సమాజసేవ, రాజకీయం, సంస్కృతి, కళా సాహిత్యం తదితర పలు రంగాల్లో నిష్ణాతులకు ఏటా అంబేడ్కర్‌ చుడర్‌,  పెరియార్‌ ఒళి, కామరాజర్‌ కదిర్‌, అయోత్తిదాసర్‌ ఆదవన్‌, ఖాయిదేమిల్లత్‌ పిరై, సెమ్మొళి నాయిరు తదితర అవార్డులను 2007 నుంచి అందిస్తున్నామని పేర్కొన్నారు. అందులో భాగంగా ఈ సంవత్సరానికి అంబేడ్కర్‌ చుడర్‌ అవార్డు ప్రకాశ్‌రాజ్‌కు అందించనున్నట్లు పేర్కొన్నారు.