ఎనిమిదేళ్ల కిందట.. సరిగ్గా ఇక్కడే..

వెదుళ్లపాలెం వద్ద ప్రమాదంతో ఉలిక్కిపాటు

వెదుళ్లపాలెం వద్ద ఎనిమిదేళ్ల కిందట జరిగిన ఘోర ప్రమాదం

నక్కపల్లి, న్యూస్‌టుడే: నక్కపల్లి మండలం వెదుళ్లపాలెం వద్ద శనివారం జరిగిన ఘోర రోడ్డు ప్రమాదంతో జిల్లా మరోసారి ఉలిక్కి పడింది. గతంలో ఇదే తరహా ఘోర రోడ్డు ప్రమాదం ఇక్కడే జరగ్గా, రాష్ట్ర వ్యాప్తంగా తీవ్ర సంచలనం రేపింది. విశాఖకు చెందిన రెండు, మూడు కుటుంబాలకు చెందిన బంధువులు మొత్తం 11 మంది ప్రాణాలు కోల్పోయారు. శనివారం జరిగిన ప్రమాదంలో కారు సైతం అదుపుతప్పి రోడ్డును దాటుకుని అవతల నుంచి వస్తున్న దాదాపు అప్పటిలాంటి లారీనే ఢీకొట్టింది. ఈ ప్రమాదాన్ని చూసిన వారంతా నాటి సంఘటనను గుర్తుకు తెచ్చుకుని భయాందోళనకు గురయ్యారు. అప్పటి ప్రమాదంతో పోల్చుతూ ఒకే తరహా ప్రమాదం జరగడంపై విస్తృతంగా చర్చించారు.జాతీయ రహదారిపై ప్రమాదాల నివారణకు మరిన్ని రక్షణ చర్యలు చేపట్టాలని స్థానికులు కోరుతున్నారు.