Crime news: మద్యం మత్తులో భార్యకు ఉరి వేసిన భర్త

తాడేపల్లిగూడెం: మద్యం మత్తులో ఓ వ్యక్తి.. తన భార్యకు ఉరి వేశాడు. పశ్చిమగోదావరి జిల్లా తాడేపల్లిగూడెం మండలం పడాలలో ఈ దారుణం చోటు చేసుకుంది. వివరాల్లోకి వెళితే.. జేమ్స్‌, నాగమణి దంపతులు. పిల్లలు ఆడుకునే విషయంపై సోమవారం రాత్రి గొడవపడ్డారు. అప్పటికే మద్యం మత్తులో ఉన్న జేమ్స్‌ నాగమణిపై చేయి చేసుకున్నాడు. దాంతో ఆమె స్పృహ కోల్పోయింది. చనిపోయిందనుకుని భావించి ఫ్యాన్‌కు ఉరివేశాడు. కొన ఊపిరితో కొట్టుమిట్టాడటాన్ని గమనించి వెంటనే కిందికి దించాడు. స్థానిక ఆర్‌ఎంపీ వైద్యుడిని పిలిపించి చికిత్స చేయించినా ఫలితం లేకపోయింది. నాగమణి మృతి సమాచారం అందుకున్న పోలీసులు జేమ్స్‌ను అదుపులోకి తీసుకున్నారు.