Kavitha: సామాజిక తెలంగాణ కోసం కలిసి పని చేద్దాం: కవిత

హైదరాబాద్‌: రాష్ట్ర సాధన కోసం అందరం కలిసి పనిచేసి విజయం సాధించామని తెలంగాణ జాగృతి అధ్యక్షురాలు కవిత (Kavitha) అన్నారు. తదుపరి లక్ష్యం సామాజిక తెలంగాణ కోసం పని చేద్దామని ఆమె పిలుపునిచ్చారు. ‘‘ఆత్మ గౌరవంతో కూడిన తెలంగాణ కోసం పనిచేద్దాం. పునరేకీకరణ కోసం కలిసి పోరాటం చేయాలి. రాష్ట్రంలో పేదల వైపు ఉండి పోరాడుతాం. సామాజిక తెలంగాణ కోసం పనిచేస్తామని రంగారెడ్డి జిల్లా నుంచి వచ్చిన వారిని ఆహ్వానిస్తున్నా. జాగృతిలో ఇప్పటికే ఉన్న నాయకత్వంతో పాటు.. చేరుతున్న కొత్త వారికి సముచిత స్థానం కల్పిస్తాం. కుత్బుల్లాపూర్‌లో హైడ్రా బాధితులైన పేదల పక్షాన పోరాటం చేస్తాం. భవిష్యత్తులోనూ పేద ప్రజల కోసం పోరాటాలు కొనసాగిస్తాం’’ అని కవిత తెలిపారు. (Telangana News)