TSRTC: లాజిస్టిక్స్‌ ద్వారా తెలంగాణ ఆర్టీసీకి రూ.70 కోట్ల ఆదాయం

హైదరాబాద్‌: లాజిస్టిక్స్‌ సేవల ద్వారా తెలంగాణ ఆర్టీసీకి 2022-23 ఏడాదిలో రూ.70 కోట్ల ఆదాయం వచ్చినట్లు సంస్థ ఎండీ సజ్జనార్‌ వెల్లడించారు. దీనిని 2023-24లో రూ.120 కోట్లకు పెంచాలని లక్ష్యం గా పెట్టుకున్నామని తెలిపారు. దిల్‌సుఖ్‌నగర్‌లో మోడల్‌ లాజిస్టిక్స్‌ పార్సిల్‌ కౌంటర్‌తో పాటు కొత్త లోగో, బ్రోచర్‌ను ఆవిష్కరించారు. రోజూ 15 వేల పార్సిళ్లు టీఎస్‌ఆర్టీసీ ద్వారా అందిస్తున్నామని.. రాబోయే రోజుల్లో ఈ సంఖ్య మరింత పెరుగుతుందని చెప్పారు. గంటల వ్యవధిలో డెలివరీలు చేస్తున్నామని పేర్కొన్నారు. భవిష్యత్‌లో మరిన్ని ఆవిష్కరణతో ప్రజల ముందుకు వస్తామన్నారు.