Kavitha: ఎమ్మెల్సీ కవితకు 9 రోజుల జ్యుడిషియల్‌ కస్టడీ

దిల్లీ: మద్యం కేసులో భారాస ఎమ్మెల్సీ కవితను సీబీఐ అధికారులు రౌజ్‌ అవెన్యూలోని సీబీఐ ప్రత్యేక కోర్టులో హాజరుపరిచారు. న్యాయస్థానం ఆమెకు ఈ నెల 23 వరకు జ్యుడిషియల్‌ కస్టడీ విధించింది. దీంతో అధికారులు మరోసారి కవితను తిహాడ్‌ జైలుకు తరలించనున్నారు. 14 రోజుల జ్యుడిషియల్‌ కస్టడీ విధించాలని సీబీఐ కోరగా.. కోర్టు 9 రోజులకు అనుమతించింది. 

భాజపా నేతలు మాట్లాడేదే సీబీఐ అడుగుతోంది: కవిత

ఇది సీబీఐ కస్టడీ కాదని.. భాజపా కస్టడీ అని కవిత విమర్శించారు. బయట భాజపా నేతలు మాట్లాడేదే.. లోపల సీబీఐ అధికారులు అడుగుతున్నారని తెలిపారు. రెండేళ్ల నుంచి అడిగిందే.. అడుగుతున్నారని చెప్పారు.