AP HighCourt: అమరావతి అసైన్డ్‌ భూముల కేసు.. సీఐడీ పిటిషన్‌పై విచారణ వాయిదా

అమరావతి: రాజధాని అమరావతి అసైన్డ్‌ భూముల కేసులో సీఐడీ దాఖలు చేసిన పిటిషన్‌పై రాష్ట్ర హైకోర్టులో విచారణ వాయిదా పడింది. అసైన్డ్‌ భూముల కొనుగోలు వ్యవహారంలో అవకతవకలు జరిగాయనే ఆరోపణలతో మాజీ మంత్రి నారాయణ సహా పలువురిపై సీఐడి కేసు నమోదు చేసింది. ఆ కేసును కొట్టివేయాలని కోరుతూ గతంలో నారాయణ క్వాష్‌ పిటిషన్‌ దాఖలు చేశారు. క్వాష్‌ పిటిషన్‌పై విచారణ జరిపిన న్యాయస్థానం తీర్పును గతంలో రిజర్వ్‌ చేసింది. అయితే ఈ కేసులో తాజాగా మరో నలుగురిని నిందితులుగా చేర్చామని.. కేసును పూర్తిస్థాయిలో మళ్లీ విచారించాలని సీఐడి హైకోర్టులో పిటిషన్‌ దాఖలు చేసింది. నేడు సీఐడి దాఖలు చేసిన వ్యాజ్యంపై విచారణ జరిపిన ఉన్నత న్యాయస్థానం ఈనెల 22కు వాయిదా వేసింది.