AP High Court: శిరోముండనం కేసు.. నిందితుల క్వాష్‌ పిటిషన్‌ కొట్టివేత

అమరావతి: తూర్పుగోదావరి జిల్లా సీతానగరం పీఎస్‌ పరిధిలోని శిరోముండనం కేసులో హైకోర్టు కీలక నిర్ణయం తీసుకుంది. నిందితులు దాఖలు చేసిన క్వాష్‌ పిటిషన్‌ను కొట్టివేసింది. ఈ మేరకు ఉన్నత న్యాయస్థానం తీర్పు వెలువరించింది. గతంలో విచారణపై ఇచ్చిన స్టేను కూడా ఎత్తివేసింది. 

ఇసుక రవాణాను అడ్డుకున్నాడంటూ ప్రసాద్‌ అనే వ్యక్తికి శిరోముండనం చేశారు. నిందితులపై పోలీసులు కేసు నమోదు చేశారు. దీనిపై వారు హైకోర్టులో క్వాష్‌ పిటిషన్‌ దాఖలు చేస్తూ కేసును కొట్టివేయాలని కోరారు. విచారణ చేపట్టిన ఉన్నత న్యాయస్థానం.. ఆ పిటిషన్‌ను కొట్టివేస్తూ తాజాగా నిర్ణయం తీసుకుంది.