AP High Court: 2018 గ్రూప్‌-1 మెయిన్స్‌.. సింగిల్‌ జడ్జి తీర్పుపై హైకోర్టు పాక్షిక స్టే

అమరావతి: ఏపీపీఎస్సీ (APPSC) 2018 గ్రూప్‌-1 అంశంలో మెయిన్స్‌కు ఎంపికైన అభ్యర్థుల జాబితాను రద్దు చేస్తూ సింగిల్‌ జడ్జి ఇచ్చి ఉత్తర్వులపై రాష్ట్ర హైకోర్టు (AP High Court) పాక్షిక స్టే విధించింది. తదుపరి ఉత్తర్వులు వచ్చేవరకు ఉద్యోగంలో ఉన్నవారికి యథాతథ స్థితిని కల్పించింది. గ్రూప్‌ -1 మెయిన్స్‌ను రద్దు చేస్తూ ఇటీవల సింగిల్ జడ్జి తీర్పు ఇచ్చారు. మెయిన్స్‌ రద్దు చేసి మళ్లీ నిర్వహించాలని అందులో పేర్కొన్నారు. దీనిపై ఏపీపీఎస్సీ, రాష్ట్ర ప్రభుత్వం హైకోర్టులో అప్పీల్‌ చేశాయి. విచారణ చేపట్టిన ఉన్నత న్యాయస్థానం.. తాజాగా పాక్షిక స్టే విధిస్తూ ఉత్తర్వులు జారీ చేసింది. అనంతరం తదుపరి విచారణను ఈనెల 27కి వాయిదా వేసింది.