AP Intermediate: ఏపీ ఇంటర్మీడియట్‌ పరీక్షల షెడ్యూల్‌ విడుదల

అమరావతి: ఏపీలో ఇంటర్మీడియట్‌ వార్షిక పరీక్షల షెడ్యూల్‌ ఖరారైంది. పరీక్ష తేదీలను ఇంటర్‌ బోర్డు ప్రకటించింది. మార్చి 15 నుంచి ఏప్రిల్‌ 4 వరకు పరీక్షలు నిర్వహించనున్నట్లు తెలిపింది. మార్చి 15న ఇంటర్‌ మొదటి సంవత్సరం పరీక్షలు ప్రారంభంకాగా.. మార్చి 16 నుంచి ద్వితీయ ఏడాది పరీక్షలు మొదలుకానున్నాయి. ఉదయం 9 గంటల నుంచి మధ్యాహ్నం 12 వరకు పరీక్షలు నిర్వహించనున్నట్లు ఇంటర్‌ బోర్డు పేర్కొంది. ఫిబ్రవరి 22న ఎతిక్స్‌, హ్యూమన్‌ వాల్యూస్‌ పరీక్ష, ఫిబ్రవరి 24న పర్యావరణ పరీక్ష నిర్వహించనున్నారు. ద్వితీయ సంవత్సరం విద్యార్థులకు ఏప్రిల్‌ 15 నుంచి 25 వరకు ప్రాక్టికల్‌ పరీక్షలు నిర్వహిస్తామని బోర్డు అధికారులు పేర్కొన్నారు.