MLC kavitha: అప్రూవర్ల వాంగ్మూలం ఆధారంగా కవితను ప్రశ్నించనున్న సీబీఐ

దిల్లీ: మద్యం కేసులో సీబీఐ విచారణ కొనసాగుతోంది. భారాస ఎమ్మెల్సీ కవిత శని, ఆదివారాల్లో వారి కస్టడీలో ఉండనున్నారు. కోర్టు ఆదేశాలతో శుక్రవారం సాయంత్రం కవితను అధికారులు సంస్థ కేంద్ర కార్యాలయానికి తరలించారు. దిల్లీ మద్యం విధానం రూపకల్పన, అక్రమాల్లో కవితను కీలక సూత్రధారి, పాత్రధారిగా కేంద్ర దర్యాప్తు సంస్థ పేర్కొంది. అప్రూవర్లుగా మారిన వారు ఇచ్చిన వాంగ్మూలాల ఆధారంగా ఆమెను అధికారులు ప్రశ్నించనున్నారు. తమ కస్టడీలో ఉన్న సమయంలో ప్రతి 48 గంటలకు వైద్య పరీక్షలు చేయించనున్నారు. రోజూ సాయంత్రం 6 నుంచి 7 గంటల మధ్య న్యాయవాది, కుటుంబ సభ్యులను కలిసేందుకు కవితకు కోర్టు అనుమతి ఇచ్చింది. ఆమె భర్త అనిల్, సోదరుడు కేటీఆర్, పీఏ శరత్, న్యాయవాది మోహిత్ రావును కలిసేందుకు అవకాశం కల్పించింది.