Chandrababu: కుప్పంలో చంద్రబాబు పర్యటన

కుప్పం పట్టణం: తెదేపా అధినేత చంద్రబాబు కుప్పంలో పర్యటిస్తున్నారు. ఇందులో భాగంగా ఆయన కొత్తపేటలోని కన్యకా పరమేశ్వరి ఆలయంలో పూజలు చేశారు. అంతకుముందు అర్చకులు ఆయనకు పూర్ణకుంభంతో స్వాగతం పలికారు. దర్శనానంతరం వేదాశీర్వచనం చేసి తీర్థప్రసాదాలు అందజేశారు. రెండు రోజుల పాటు చంద్రబాబు కుప్పంలో పర్యటించనున్నారు.

భద్రతా వైఫల్యం..

మరోవైపు తెదేపా అధినేత కుప్పం పర్యటనలో భద్రతా వైఫల్యం చోటుచేసుకుంది. పట్టణంలోని పార్టీ కార్యాలయం వద్ద ఆయన బస చేసే వాహనాన్ని శ్రేణులు చుట్టుముట్టాయి. పరిసరాల్లో అంతగా పోలీసులు కనిపించకపోవడంతో చంద్రబాబు వాహనం నుంచి దిగి మహిళలతో ముఖాముఖి కార్యక్రమం వద్దకు వెళ్లేందుకు ఇబ్బంది పడ్డారు. అతి సాధారణ భద్రత కల్పించడంపై తెదేపా నేతలు ఆగ్రహం వ్యక్తం చేశారు.