Updated : 19 May 2021 15:32 IST

Viral: చిట్టి చేతులు.. పెద్ద మనసు

సంతోషంగా ఉండాలంటూ భోజనాల బాక్సులపై రాసిన చిన్నారి
నెట్టింట వైరల్‌గా మారిన బాలుడి ఫొటో

ఇంటర్నెట్‌ డెస్క్: కొవిడ్‌ రోగుల కోసం తన తల్లి సిద్ధం చేస్తున్న భోజనాల బాక్సులపై ఓ చిన్నారి రాసిన సందేశం నెటిజన్ల హృదయాలను గెలుచుకుంటోంది.  తన చిట్టి చేతులతో ‘సంతోషంగా ఉండండి’అంటూ ఇంగ్లీషు, హిందీ భాషల్లో ఆ బాలుడు రాసిన మాటలపై పలువురు ప్రశంసల జల్లులు కురిపిస్తున్నారు.  ఆకుపచ్చని టీషర్ట్‌ ధరించి..  పదుల సంఖ్యలో తన పక్కన ఉన్నఆహారపు డబ్బాల మూతలపై  ఆ రెండు మాటలతో పాటు సంతోషానికి ప్రతీకగా ఓ స్మైలీ చిత్రాన్ని ఆ బాలుడు గీశాడు. ఈ ఫొటోను నెటిజన్లు సామాజిక మాధ్యమాల్లో షేర్‌ చేస్తున్నారు.  ట్విటర్‌లో ఓ వ్యక్తి షేర్‌ చేసిన బాలుడి ఫొటోకు ఇప్పటికే 12 వేల లైకులు, 100 కామెంట్లు వచ్చాయి. కొవిడ్‌ ఉద్ధృతి రెండో దశ కొనసాగుతున్న ప్రస్తుత తరుణంలో ఆ చిన్నారి పెద్ద మనసును అంతా మెచ్చుకుంటున్నారు. చాలా మందిలో ఈ చిత్రం ధైర్యం నింపేదిగా ఉందంటూ కొనియాడుతున్నారు.  ఇదే కాకుండా కష్టకాలంలో తోటివారిపై దయ చూపాలని కోరుతూ కెనడాకు చెందిన ఓ మహిళ పెట్టిన పోస్టుకు సైతం ఇలాంటి ప్రశంసలే దక్కాయి. 

Read latest General News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts