Ts election: దేవుడి తోడు ఆ గుర్తుకే ఓటేస్తా.. రూ.వెయ్యి తీసుకుని ఓటర్ల ప్రమాణం

పరిగి: మరి కొన్ని గంటల్లో పోలింగ్‌ ప్రారంభం కానుండగా.. ప్రలోభాల పర్వం జోరుగా సాగుతోంది. మద్యం, నగదు పంపిణీ చేస్తూ తమ పార్టీ అభ్యర్థులకే ఓటు వేయాలంటూ ఓటర్లతో ప్రమాణం చేయిస్తున్నారు. ఈ ఘటన పరిగి నియోజకవర్గ పరిధిలోని పూడూరు మండలం చీలాపూర్‌ గ్రామంలో చోటు చేసుకుంది. గ్రామంలో ఓ ప్రధాన పార్టీకి చెందిన నేత.. మహిళా ఓటర్లను తన ఇంటికి పిలిపించుకుని డబ్బులు పంపిణీ చేశారు. తమ పార్టీ గుర్తుకే ఓటు వేయాలని వారితో దేవుడిపై ప్రమాణం చేయించి.. ఒక్కొక్కరికీ రూ.వెయ్యి చొప్పున పంపిణీ చేశారు.  డబ్బులు తీసుకున్న ఓటర్లు కూడా తప్పకుండా మీకే ఓటేస్తామని ఒట్టువేసి చెప్పారు. మహిళా ఓటర్లకు డబ్బులు పంచుతున్న వీడియో ప్రస్తుతం సోషల్‌ మీడియాలో వైరల్‌ అవుతోంది. దీనిపై అధికారులు ఎలా స్పందిస్తారో చూడాలి.