MLC Kavitha: ఈడీ కేంద్ర కార్యాలయానికి ఎమ్మెల్సీ కవిత

హైదరాబాద్‌: దిల్లీ లిక్కర్‌ కేసులో అరెస్టు అయిన భారాస ఎమ్మెల్సీ కవితను అధికారులు ఈడీ కేంద్ర కార్యాలయానికి తరలించారు. తొలుత భారీ భద్రత మధ్య బంజారాహిల్స్‌లోని ఆమె నివాసం నుంచి శంషాబాద్‌ విమానాశ్రయానికి తీసుకెళ్లారు. అక్కడి నుంచి 8.45 గంటలకు విమానంలో దిల్లీ తరలించారు. రాత్రి 11.30 గంటల తర్వాత దిల్లీ విమానాశ్రయం నుంచి నేరుగా ఈడీ కేంద్ర కార్యాలయానికి చేరుకున్నారు. రాత్రి అక్కడే ఉంచనున్నారు. ఇప్పటికే ఈడీ కార్యాలయానికి వెళ్లే మార్గాలను మూసివేసి పరిసర ప్రాంతాల్లో పోలీసులు 144 సెక్షన్‌ విధించారు. కవిత తరఫు న్యాయవాది మొహిత్‌ రావు సైతం ఈడీ కార్యాలయానికి వెళ్లారు.