HMDA: బండ్లగూడ, పోచారంలో ఫ్లాట్లకు టోకెన్‌ అడ్వాన్స్‌ గడువు పొడిగింపు

హైదరాబాద్‌: నగరంలోని బండ్లగూడ, పోచారంలో రాజీవ్‌ స్వగృహ ఫ్లాట్లను ఇటీవల హెచ్‌ఎండీఏ (HMDA) వేలం ద్వారా విక్రయించిన విషయం తెలిసిందే. అయితే, వివిధ కారణాల వల్ల  ఇందులో కొన్ని ఫ్లాట్లు అమ్ముడు పోలేదు. దీంతో మిగిలిన ఫ్లాట్ల వేలానికి హెచ్‌ఎండీఏ మరోసారి నోటిఫికేషన్‌ విడుదల చేసింది. టోకెన్‌ అడ్వాన్స్‌ చెల్లింపులకు సిద్ధంగా ఉన్నవారికి లాటరీ ద్వారా ఫ్లాట్లు కేటాయింపు చేయనున్నట్లు తెలిపింది. ఫ్లాట్లకు టోకెన్‌ అడ్వాన్స్‌ చెల్లించేందుకు జనవరి 18 వరకు గడువు విధించింది. అయితే, వరుస సెలవుల దృష్ట్యా టోకెన్‌ అడ్వాన్స్‌ చెల్లించేందుకు గడువును ఫిబ్రవరి 12 వరకు పొడిగిస్తున్నట్టు హెచ్‌ఎండీఏ తెలిపింది. www.hmda.in, www.swagruha.telangana.gov.in వెబ్‌సైట్లలో ఫ్లాట్లు, ఇతర వివరాలు చూడొచ్చని పేర్కొంది.