SC Railway: విజయవాడ డివిజన్‌ పరిధిలో 14 రైళ్లు రద్దు

విజయవాడ: విజయవాడ రైల్వే డివిజన్‌ పరిధిలోని పలు ప్రాంతాల్లో ట్రాఫిక్‌ నిర్వహణ కోసం 14 రైళ్లు రద్దు చేసినట్టు దక్షిణ మధ్య రైల్వే(SC Railway) తెలిపింది. మే 17 నుంచి జూన్‌ 4 వరకు వివిధ రోజుల్లో కొన్ని రైళ్లు రద్దు చేస్తున్నట్టు అధికారులు తెలిపారు. రాజమహేంద్రవరం-విశాఖపట్నం, మచిలీపట్నం-విశాఖ, తిరుపతి- కాకినాడ, గుంటూరు- విశాఖపట్నం, గుంటూరు- రాయగడ, విశాఖపట్నం- మహబూబ్‌నగర్‌, గుంటూరు- విశాఖపట్నం తదితర ప్రాంతాలకు వెళ్లే 14 రైళ్లను రద్దు చేసినట్టు తెలిపారు. రద్దైన రైళ్ల వివరాలను రైల్వేశాఖ వెబ్‌సైట్‌లో పొందుపర్చినట్టు పేర్కొన్నారు.