నోటా.. మాట వినలేదు..!

ఈనాడు, మహబూబాబాద్‌

పోటీలో ఉన్న అభ్యర్థుల్లో ఎవరూ నచ్చకుంటే నోటా (నన్‌ ఆఫ్‌ ద అబోవ్‌)కు ఓటు వేయొచ్చు. ఈసారి ఉమ్మడి వరంగల్‌ జిల్లాలో నోటా మాట చాలా మంది వినలేదు. 2018లో కంటే ఈసారి తక్కువ మంది దానిని ఎంచుకున్నారు.  ఇది హర్షించదగిన విషయమని భావించవచ్చు.

ఉమ్మడి జిల్లాలో 12,184 తగ్గాయి..: గత అసెంబ్లీ ఎన్నికల్లో ఉమ్మడి వరంగల్‌ జిల్లాలోని 12 నియోజకవర్గాల్లో 33,358 ఓట్లు నోటాకు రాగా.. ఈసారి 21,174 మాత్రమే వచ్చాయి.
రాష్ట్రంలోనే వర్ధన్నపేట రెండో స్థానం:  ఈసారి రాష్ట్రంలోనే కుత్బుల్లాపూర్‌ నియోజకర్గంలో నోటాకు అత్యధికంగా 4,079 ఓట్లు పోలయ్యాయి. వర్ధన్నపేట 3612 ఓట్లతో రెండో స్థానంలో నిలిచింది. 2018లో వర్ధన్నపేట 5,874 ఓట్లతో మొదటి స్థానంలో ఉండేది.