AP High Court: ఐఆర్‌ఆర్‌ కేసు.. చంద్రబాబు పిటిషన్‌పై విచారణ వాయిదా

అమరావతి: రాజధాని ఇన్నర్‌ రింగ్‌ రోడ్డు (ఐఆర్‌ఆర్‌) కేసులో తెదేపా అధినేత చంద్రబాబు దాఖలు చేసిన ముందస్తు బెయిల్ పిటిషన్‌పై హైకోర్టులో విచారణ జరిగింది. ఐఆర్‌ఆర్‌ మాస్టర్‌ ప్లాన్‌లో అవకతవకలు జరిగాయంటూ సీఐడీ కేసు నమోదు చేసింది. ఈ కేసులో ఇప్పటికే చంద్రబాబు తరఫున సీనియర్‌ న్యాయవాది నాగముత్తు వాదనలు వినిపించారు. తదుపరి విచారణను డిసెంబర్‌ 1కి ఉన్నత న్యాయస్థానం వాయిదా వేసింది. 

మరోవైపు అసైన్డ్ భూముల వ్యవహారంలో తెదేపా నేత, మాజీ మంత్రి నారాయణ పిటిషన్‌పై హైకోర్టులో విచారణ జరిగింది. ఈ కేసులో నారాయణ దాఖలు చేసిన ముందస్తు బెయిల్‌, క్వాష్‌ పిటిషన్లపై విచారణను ఉన్నత న్యాయస్థానం డిసెంబర్‌ 11కి వాయిదా వేసింది.