MLAs Bribery Case: నన్ను అక్రమంగా ఇరికించారు.. హైకోర్టులో జగ్గుస్వామి క్వాష్‌ పిటిషన్‌

హైదరబాద్: ఎమ్మెల్యేలకు ఎర కేసుకు సంబంధించి కేరళకు చెందిన జగ్గుస్వామి తెలంగాణ హైకోర్టులో క్వాష్‌ పిటిషన్‌ దాఖలు చేశారు. తనకు తెలంగాణ ప్రత్యేక దర్యాప్తు బృందం (సిట్‌) జారీ చేసిన 41-ఎ సీఆర్‌పీసీ నోటీసులు, లుకౌట్‌ నోటీసులపై స్టే ఇవ్వాలని పిటిషన్‌లో కోరారు. ఎమ్మెల్యేలకు ఎర కేసుతో తనకు ఎలాంటి సంబంధం లేదని, అక్రమంగా ఈ కేసులో ఇరికించారని పిటిషన్‌లో పేర్కొన్నారు. ఈ పిటిషన్‌ హైకోర్టులో సోమవారం విచారణకు వచ్చే అవకాశం ఉంది. మరోవైపు ఈ కేసులో పోలీసులు జగ్గుస్వామికి సంబంధించిన కీలక ఆధారాలు సేకరించారు. తుషార్, రామచంద్రభారతికి జగ్గుస్వామి మధ్యవర్తిగా వ్యవహరించినట్లు పోలీసుల దర్యాప్తులో తేలింది.