AP SI Exam: ఎస్సై రాత పరీక్షపై కీలక అప్‌డేట్‌.. ఫలితాలు ఎప్పుడంటే?

అమరావతి: ఆంధ్రప్రదేశ్‌లో 411 ఎస్‌ఐ ఉద్యోగాల (SI posts) భర్తీకి ఏపీ పోలీసు నియామక బోర్డు(apslprb) ఈరోజు (ఫిబ్రవరి 19న) రాష్ట్రవ్యాప్తంగా ప్రిలిమినరీ రాత పరీక్ష నిర్వహించిన విషయం తెలిసిందే. ఈ పరీక్షకు 1,51,243మంది అభ్యర్థులు హాజరైనట్టు అధికారులు వెల్లడించారు. రాష్ట్ర వ్యాప్తంగా 13 పట్టణాలు/నగరాల్లోని 291 పరీక్షా కేంద్రాల్లో ఈ పరీక్ష ప్రశాంతంగా జరిగినట్టు తెలిపారు.

ఈ పరీక్ష ప్రిలిమినరీ ఆన్సర్‌ కీని సోమవారం ఉదయం 11గంటలకు అధికారిక వెబ్‌సైట్‌లో అందుబాటులో ఉంచనున్నట్టు వెల్లడించారు. అభ్యర్థులు దీన్ని డౌన్‌లోడ్‌ చేసుకోవచ్చని తెలిపారు. ప్రిలిమినరీ కీకి సంబంధించి ఏవైనా అభ్యంతరాలు ఉంటే ఈ నెల 23 ఉదయం 11గంటల లోపు SCTSI-PWT@slprb.appolice.gov.inలో తెలియజేయాలని  సూచించారు. ఈ పరీక్షకు సంబంధించిన ఓఎంఆర్‌ షీట్‌ కాపీలతో పాటు ఫలితాలను రెండు వారాల్లో ప్రకటించనున్నట్టు తెలిపారు. ఈ పరీక్ష సజావుగా జరిగేందుకు సహకరించిన ప్రతి ఒక్కరికీ కృతజ్ఞతలు తెలుపుతూ ఈ మేరకు పోలీస్‌ నియామక బోర్డు ఛైర్మన్‌ మనీశ్ కుమార్‌ సిన్హా ఓ ప్రకటన విడుదల చేశారు.