MLC Kavitha: కవితను కోర్టులో హాజరుపరిచిన ఈడీ

దిల్లీ: దిల్లీ మద్యం కేసులో అరెస్టయిన భారాస ఎమ్మెల్సీ కవితను రౌస్‌ అవెన్యూ సీబీఐ ప్రత్యేక కోర్టు ముందు ఈడీ ఈ ఉదయం హాజరుపరిచింది. తనను అక్రమంగా అరెస్టు చేశారని.. న్యాయపోరాటం చేస్తానని కోర్టులోకి వెళ్లే ముందు కవిత మీడియాతో అన్నారు. ఆమె తరఫున సీనియర్‌ లాయర్‌ విక్రమ్‌ చౌదరి వాదనలు వినిపిస్తుండగా.. ఈడీ తరఫున ఎన్‌.కె మట్టా, జోసెబ్‌ హుస్సేన్‌ వాదనలు కొనసాగిస్తున్నారు.

శుక్రవారం సాయంత్రం హైదరాబాద్‌లో కవితను అరెస్టు చేసిన ఈడీ అధికారులు.. రాత్రి దిల్లీలోని కేంద్ర కార్యాలయానికి తరలించారు. ఇక్కడి ప్రత్యేక సెల్‌లో ఆమెను ఉంచారు. శనివారం ఉదయం ఆమెకు వైద్య పరీక్షలు నిర్వహించారు.