Lasya Nanditha: ఎమ్మెల్యే లాస్య నందిత కారు ప్రమాదం జరిగిందిలా.. పోలీసుల ప్రాథమిక నివేదిక

ఎమ్మెల్యే లాస్య నందిత కారు ప్రమాదానికి గల కారణాలను పటాన్‌చెరు పోలీసులు ప్రాథమికంగా గుర్తించారు.

Updated : 23 Feb 2024 17:17 IST

హైదరాబాద్‌: సికింద్రాబాద్‌ కంటోన్మెంట్‌ ఎమ్మెల్యే లాస్య నందిత(37) శుక్రవారం తెల్లవారుజామున కారు ప్రమాదంలో మృతి చెందిన విషయం తెలిసిందే. అయితే, ప్రమాదానికి గల కారణాలను పటాన్‌చెరు పోలీసులు ప్రాథమికంగా గుర్తించారు. 

 ‘‘గురువారం సదాశివపేటకు వెళ్లి వచ్చిన లాస్య నందిత ఈరోజు ఉదయం అల్పాహారం కోసమని ఇంటి నుంచి బయల్దేరారు. శామీర్‌పేట వద్ద కారు ఔటర్‌ రింగ్‌ రోడ్డు (ఓఆర్‌ఆర్‌)పైకి వచ్చింది. మరి కొద్దిసేపట్లో ఓఆర్‌ఆర్‌ నుంచి ఎగ్జిట్‌ అవుదామనుకున్న సమయంలో.. సుల్తాన్‌పూర్‌ వద్ద ఆమె ప్రయాణిస్తున్న కారు ముందు వెళ్తోన్న టిప్పర్‌ను ఢీకొంది. ఆపై నియంత్రణ కోల్పోయి రెయిలింగ్‌ను ఢీకొట్టింది. రోడ్డు ప్రమాదం పటాన్‌చెరు పీఎస్‌ పరిధిలోనే జరిగింది. కేసు నమోదు చేసి దర్యాప్తు చేస్తున్నాం. తలకు బలమైన గాయం, ఇంటర్నల్‌ బ్లీడింగ్‌ వల్లే లాస్య నందిత చనిపోయినట్టు పోస్టుమార్టం చేసిన వైద్యులు తెలిపారు. పీఎంని వీడియోగ్రఫీ చేశాం. పోస్టు మార్టం నివేదిక వచ్చేందుకు సమయం పడుతుంది’’ అని పోలీసులు తెలిపారు.

Tags :

Trending

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని