Tg tet: ప్రారంభమైన ‘టెట్‌’ ఎగ్జామ్‌.. పరీక్షా కేంద్రాల వద్ద రద్దీ

హైదరాబాద్‌: తెలంగాణ రాష్ట్రంలో ఉపాధ్యాయ అర్హత పరీక్ష (టెట్‌) ప్రారంభమైంది. అభ్యర్థుల రాకతో వివిధ పరీక్షా కేంద్రాల వద్ద రద్దీ నెలకొంది. పరీక్ష నేపథ్యంలో అధికారులు, పోలీసులు కట్టుదిట్టమైన భద్రత ఏర్పాటు చేశారు. జూన్‌ 2 వరకు జరిగే ఈ పరీక్ష మొదటి పేపర్‌కు 99,958 మంది, రెండో పేపర్‌కు 1,86,428 మంది అభ్యర్థులు దరఖాస్తు చేసుకున్నారు. ఉదయం 9 నుంచి 11.30 వరకు, మధ్యాహ్నం 2 నుంచి 4.30 గంటల వరకు పరీక్ష నిర్వహించనున్నారు. 80 పరీక్షా కేంద్రాల్లో అభ్యర్థులు టెట్‌ రాయనున్నారు. మేడ్చల్‌లో 25, రంగారెడ్డి జిల్లాలో 17 పరీక్షా కేంద్రాలు ఏర్పాటు చేశారు.