CM Revanth Reddy: నేను అలాంటి సీఎంను కాదు: రేవంత్‌రెడ్డి

హైదరాబాద్‌: గత భారాస ప్రభుత్వంలో ముఖ్యమంత్రి మాదిరి కాకుండా.. తాను సామాన్య జనానికి సైతం అందుబాటులో ఉన్నట్టు సీఎం రేవంత్‌రెడ్డి ఎక్స్‌(ట్విటర్‌)లో పోస్టు చేశారు. శనివారం సాయంత్రం రాష్ట్రంలోని వివిధ ప్రాంతాల నుంచి వచ్చిన సందర్శకులను ఆయన నేరుగా కలుసుకున్నారు. జూబ్లీహిల్స్‌లోని ఆయన నివాసానికి వచ్చిన వారి బాధలను నేరుగా వినడంతో పాటు సంబంధిత శాఖలకు సూచనలు కూడా చేశారు.

కొన్ని సమస్యలను ఎన్నికల కోడ్‌ ముగియగానే పరిష్కరిస్తామని చెప్పినట్టు సమాచారం. రెవెన్యూ ఉద్యోగి దయాకర్‌ కలిసి తనకు 317 జీవో కారణంగా ఎదురవుతున్న ఇబ్బందులను తెలియజేయగా.. లోక్‌సభ ఎన్నికల నియయామవళి ముగియగానే చర్యలు తీసుకుంటామని ముఖ్యమంత్రి హామీ ఇచ్చినట్టు తెలుస్తోంది.

ఈ సందర్భంగా సీఎం తన ఎక్స్‌ ఖాతాలో...

‘నేను…
చేరలేని దూరం కాదు…
దొరకనంత దుర్గం కాదు…
సామాన్యుడు మనిషిని నేను…
సకల జన హితుడను నేను’.. అని పోస్టు చేశారు.