TS HighCourt: బండి సంజయ్‌ తీరుపై తెలంగాణ హైకోర్టు అసహనం

హైదరాబాద్: భాజపా జాతీయ ప్రధాన కార్యదర్శి, ఎంపీ బండి సంజయ్‌ తీరుపై తెలంగాణ హైకోర్టు అసహనం వ్యక్తం చేసింది. కరీంనగర్‌ ఎమ్మెల్యేగా ఉన్న మంత్రి గంగుల కమలాకర్‌ ఎన్నిక వివాదంపై హైకోర్టులో విచారణ సందర్భంగా క్రాస్‌ ఎగ్జామినేషన్‌కు సంజయ్‌ గైర్హాజరవడంపై ఉన్నత న్యాయస్థానం ఆగ్రహం వ్యక్తం చేసింది. ఇప్పటికే పలుమార్లు క్రాస్‌ ఎగ్జామినేషన్‌కు సంజయ్‌ తరఫు న్యాయవాది గడువు కోరగా..  ప్రస్తుతం అమెరికాలో ఉన్నందున మరోసారి గడువు ఇవ్వాలని కోరారు. 

ఎన్నికల పిటిషన్లు ఆరు నెలల్లో తేల్చాల్సి ఉన్నందున విచారణ ముగిస్తామని హైకోర్టు హెచ్చరించింది. ఈనెల 12న బండి సంజయ్‌ హాజరవుతారని న్యాయవాది అభ్యర్థించారు. దీంతో సంజయ్‌ క్రాస్‌ ఎగ్జామినేషన్‌కు హాజరుకావాలంటే సైనిక సంక్షేమ నిధికి ₹50వేలు చెల్లించాలని హైకోర్టు ఆదేశించింది.