Razakar: రజాకార్‌ సినిమా నిర్మాతకు భద్రత కల్పించిన కేంద్ర హోంశాఖ

హైదరాబాద్‌: రజాకార్‌ సినిమా (Razakar Movie) నిర్మాత గూడూరు నారాయణరెడ్డికి గుర్తు తెలియని వ్యక్తులు ఫోన్‌ చేసి బెదిరించారు. తనకు బెదిరింపు కాల్స్‌ వస్తున్నాయని ఆయన కేంద్ర హోంశాఖకు ఫిర్యాదు చేశారు. దీంతో నిఘా వర్గాల నివేదిక ఆధారంగా నారాయణరెడ్డికి భద్రతగా 1+1 సీఆర్పీఎఫ్‌ సిబ్బందిని కేటాయిస్తూ హోంశాఖ ఆదేశాలు జారీ చేసింది. తెలంగాణ విముక్తి పోరాటం నేప‌థ్యంలో సాగే చారిత్రక క‌థాంశంతో రూపొందిన సినిమా ర‌జాకార్‌. రాజ‌కీయంగా ఎన్నో వివాదాల‌కు కేంద్రంగా నిలిచిన ఈ చిత్రం అనేక అడ్డంకుల్ని దాటుకొని మార్చి 15న ప్రేక్షకుల ముందుకొచ్చిన విషయం తెలిసిందే.