టీవీ చూస్తూ తింటున్నారా?
చాలా మందికి టీవీ చూస్తు తినే అలవాటు ఉంటుంది. భోజనం చేస్తూ టీవీ చూడటం లేదా రిలాక్స్గా టీవీ చూస్తున్నాం కాదా అని స్నాక్స్ తినడం చేస్తారు. అయితే ఇలా సమయం, సందర్భం లేకుండా టీవీ చూస్తూ తినడం ద్వారా ఎంత ఆహారం తీసుకుంటున్నామో పట్టించుకోం. దీంతో అవసరానికి
ఇంటర్నెట్ డెస్క్: చాలా మందికి టీవీ చూస్తూ తినే అలవాటు ఉంటుంది. భోజనం చేస్తూ టీవీ చూడటం లేదా రిలాక్స్గా టీవీ చూస్తున్నాం కాదా అని స్నాక్స్ తినడం చేస్తారు. అయితే ఇలా సమయం, సందర్భం లేకుండా టీవీ చూస్తూ తినడం ద్వారా ఎంత ఆహారం తీసుకుంటున్నామో పట్టించుకోం. దీంతో అవసరానికి మించి ఆహారం కడుపులో పడిపోతుంది. ఫలితంగా జీర్ణ సమస్యలు రావడంతోపాటు తొందరగా బరువు పెరిగే అవకాశాలున్నాయి. కాబట్టి టీవీ చూస్తూ మనల్ని మనం మర్చిపోయి తినకుండా.. మితంగా ఆహారం తీసుకునేలా కొన్ని చిట్కాలున్నాయి. వాటిని పాటిస్తే సరి..
టీవీ ముందు కూర్చుంటే ఎందుకు ఎక్కువ తింటాం?
ఏ పని చేస్తున్నా దానిపైనే దృష్టి పెట్టాలి. అప్పుడే చేసే పనిపై అవగాహన ఉంటుంది. అలాగే ఆహారం తినేటప్పుడు కూడా.. దానిపైనే దృష్టి పెడితే పొదుపుగా తినగలం, కడుపు నిండితే మెదడే ఇక తినడం ఆపు అన్నట్లు సంకేతాలు ఇస్తుంది. కానీ, చాలా మంది తినేటప్పుడు టీవీ చూస్తూ మల్టీటాస్కింగ్ చేస్తుంటారు. ఆహారంపై పెట్టాల్సిన శ్రద్ధ టీవీపై పెడుతుంటడంతో.. ఏం తింటున్నాం, ఎంత తింటున్నామనే విషయాలు మెదడు గుర్తించదు. గంటల తరబడి టీవీ ముందే కూర్చొని అధిక మోతాదులో ఆహారం లాగించేస్తారు.
అలవాటును మార్చండి
మీకు ఆకలేస్తే టీవీ ముందుకు భోజనం తెచ్చుకోవడం కాదు, మీరే భోజనం వద్దకు వెళ్లండి. డైనింగ్ టేబుల్ వద్ద కూర్చొని ఏకాగ్రతతో తినండి. తినే ఆహారాన్ని బాగా ఆస్వాదించండి. లేదా టీవీ ఆఫ్ చేసి భోజనం చేయండి. భోజనం చేయడానికి మహా అయితే 15 లేదా 20 నిమిషాలు పడుతుంది. అదే టీవీ చూస్తూ తింటే సమయం తెలియదు. ఆరోగ్యం కోసం పదిహేను నిమిషాలు ఆహారంపై శ్రద్ధపెట్టలేరా?
కుదరదునుకుంటే ఇలా చేసి చూడండి
ఒక్కసారిగా టీవీ చూస్తూ తినడం మానేయమంటే కాస్త కష్టంగానే ఉంటుంది. కాబట్టి మెల్లగా ఆ అలవాటును తగ్గించుకునే ప్రయత్నం చేయండి. టీవీ ముందు కూర్చొనేటప్పుడు భోజనమైనా.. పాప్కార్న్, పకోడీలు, మిర్చి వంటి చిరుతిళ్లయినా తక్కువ మొత్తంలో తెచ్చిపెట్టుకోండి. వాటిని తినడం పూర్తయ్యాక మళ్లీ తెచ్చుకోవడం మానేయండి.
వేరే పనులు చేయండి
ఖాళీగా కూర్చొని టీవీ చూస్తుంటే ఏదో ఒకటి తినాలనే అనిపిస్తుంటుంది. కాబట్టి, తినడం బదులు వేరే పనులు చేయండి. ఉదాహరణకు గోళ్లకు పెయింట్ వేసుకోవడం, కాళ్లకు మసాజ్ చేసుకోవడం వంటి చిన్న చిన్న పనులు చేస్తున్నట్లయితే తినాలనే ఆలోచనలు రాదు.
నీరు ఎక్కువగా తాగండి
టీవీ ముందు కూర్చొని ఏదైనా తినాలనిపిస్తే నీళ్లు తాగండి. కొంతమంది దాహం వేసినా చిరుతిళ్లు తినే అలవాటు ఉంటుంది. వాటి బదులు నీరే తాగితే కడుపు నిండిపోయి ఏమీ తినాలనిపించదు.
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని


తాజా వార్తలు (Latest News)
-
Politics News
Upendar Reddy: కమ్యూనిస్టులకు ఓట్లేసే రోజులు పోయాయ్ ఎమ్మెల్యే ఉపేందర్రెడ్డి
-
World News
Joe Biden: ‘చైనాను అభినందిస్తున్నా.. ’: బైడెన్ వీడియో వైరల్
-
India News
Hand Writing: పెన్ను పెడితే.. పేపర్పై ముత్యాలే
-
Crime News
Hyderabad: కుమారుల అనారోగ్యంపై మనస్తాపం.. పిల్లలకు విషమిచ్చి దంపతుల ఆత్మహత్య
-
India News
పెళ్లి కోసం 4 గంటల పెరోల్.. వివాహం చేసుకుని మళ్లీ జైలుకెళ్లిన వరుడు
-
India News
Sukesh chandrasekhar: ‘నా బుట్టబొమ్మ జాక్వెలిన్కు’.. జైలు నుంచే సుకేశ్ మరో ప్రేమలేఖ