TSPSC: ప్రశ్నపత్రాల లీకేజీ కేసు.. విచారణకు హాజరైన 37 మంది నిందితులు

హైదరాబాద్‌: తెలంగాణలో సంచలనం సృష్టించిన టీఎస్‌పీఎస్సీ ప్రశ్నపత్రాల లీకేజీ కేసు (TSPSC Paper Leakage Case)లో న్యాయస్థానంలో విచారణ ప్రారంభమైంది. విచారణకు ఈ కేసులో 37 మంది నిందితులు హాజరయ్యారు. ప్రధాన నిందితుడు ప్రవీణ్‌, రాజశేఖర్‌రెడ్డి, రేణుక, డాఖ్యా నాయక్‌, రాజేశ్వర్‌తో పాటు మిగతా నిందితులు హాజరయ్యారు. గత నెలలో కోర్టులో సిట్‌ అధికారులు ప్రాథమిక అభియోగ పత్రం దాఖలు చేశారు. అభియోగ పత్రంలో 37 మందిని సిట్‌ అధికారులు నిందితులుగా చేర్చారు. ఈ వ్యవహారంలో ఇప్పటివరకు 105 మందిని సిట్‌ అరెస్టు చేసింది. ప్రధాన నిందితుడు ప్రవీణ్‌ మినహా మిగతా నిందితులకు ఇప్పటికే నాంపల్లి కోర్టు బెయిల్‌ మంజూరు చేసింది. ఈ కేసులో సిట్‌ అధికారులు త్వరలో అనుబంధ అభియోగ పత్రం దాఖలు చేయనున్నారు.