Kurnool: నిలకడగా ఎంపీ అవినాష్‌ తల్లి ఆరోగ్యం.. నేడు డిశ్చార్జ్‌

కర్నూలు: కడప ఎంపీ అవినాష్‌రెడ్డి తల్లి శ్రీలక్ష్మి నేడు ఆస్పత్రి నుంచి డిశ్చార్జ్‌ కానున్నారు. అనారోగ్య కారణాలతో ఈనెల 19న ఆమెను కర్నూలులోని విశ్వభారతి ఆస్పత్రిలో చేర్పించిన విషయం తెలిసిందే. గత వారం రోజులుగా చికిత్స అందించిన వైద్యులు తాజాగా మరో హెల్త్‌ బులెటిన్‌ విడుదల చేశారు. శ్రీలక్ష్మి ఆరోగ్యం నిలకడగా ఉందని.. ఇవాళ డిశ్చార్జ్‌ చేయనున్నట్లు పేర్కొన్నారు. డిశ్చార్జ్‌ అనంతరం ఆమెను హైదరాబాద్‌ తరలించనున్నట్లు సమాచారం.

మరోవైపు ఎంపీ అవినాష్‌రెడ్డి నేడు హైదరాబాద్‌ బయల్దేరారు. తల్లి ఆరోగ్యం మెరుగుపడిన నేపథ్యంలో కర్నూలు నుంచి ఆయన వెళ్లారు. అవినాష్‌ హైదరాబాద్‌ బయల్దేరిన సమయంలో పెద్ద ఎత్తున ఆయన అనుచరులు అక్కడికి చేరుకున్నారు.