TSRTC: మహాలక్ష్మి పథకం.. రికార్డు స్థాయిలో మహిళల ప్రయాణం

హైదరాబాద్: మహాలక్ష్మి పథకం ద్వారా తెలంగాణ రాష్ట్ర రోడ్డు రవాణా సంస్థ (టీఎస్ఆర్టీసీ) బస్సుల్లో రికార్డు స్థాయిలో మహిళలు ప్రయాణించారు. గతేడాది డిసెంబర్ 9 నుంచి ఈనెల 6 వరకు 15.21 కోట్ల మంది ప్రయాణించినట్టు సంస్థ ఎండీ సజ్జనార్ వెల్లడించారు. ఉచిత ప్రయాణం ద్వారా వారికి దాదాపు రూ.535.52 కోట్ల మేర రవాణా ఛార్జీలు ఆదా అయ్యాయన్నారు. రాష్ట్ర వ్యాప్తంగా రోజుకు 27 లక్షల మంది మహిళలు ఆర్టీసీ బస్సుల్లో ప్రయాణిస్తున్నారని చెప్పారు. ఇప్పటికే తెలంగాణ ప్రభుత్వం మహాలక్ష్మి పథకానికి రూ.300 కోట్లు  ఆర్టీసీకి కేటాయించిందని సజ్జనార్‌ తెలిపారు.