జీలం నదిలో పడవ బోల్తా.. పలువురి గల్లంతు

ఇంటర్నెట్‌డెస్క్‌: జమ్మూకశ్మీర్‌(Jammu and Kashmir)లో ప్రమాదం జరిగింది. శ్రీనగర్‌(Srinagar) సమీపంలో జీలం నది( Jhelum river)లో పడవ బోల్తా పడింది. ఈ ఘటనలో నలుగురు ప్రాణాలు కోల్పోయారు. పలువురు గల్లంతయ్యారు. ప్రస్తుతం సహాయక చర్యలు చేపట్టినట్లు అధికారులు వెల్లడించారు. 

స్థానికుల కథనం ప్రకారం.. ఆ పడవలో పాఠశాల విద్యార్థులు సహా పలువురు ఉన్నారు. వారంతా గాంద్‌బల్‌ నుంచి బట్వారాకు వెళ్తున్నారు. ఈ ప్రమాదం నుంచి పలువురిని కాపాడగా.. గల్లంతయిన వారి సంఖ్య తెలియాల్సి ఉంది. గత రెండురోజులుగా కురుస్తున్న వర్షాల కారణంగా జలాశయాల్లో నీటి ఉద్ధృతి పెరిగింది. ఈ నేపథ్యంలోనే ప్రమాదం జరిగింది. వానలతో కొండచరియలు విరిగిపడటంతో సోమవారం జమ్మూ-శ్రీనగర్ హైవేను మూసివేశారు.