Rahul Gandhi: రాహుల్‌ గాంధీ హెలికాప్టర్‌లో ఎన్నికల అధికారుల తనిఖీలు

నీలగిరి: లోక్‌సభ ఎన్నికలు (Lok sabha Elections) సమీపిస్తున్న వేళ అధికారులు తనిఖీల ముమ్మరం చేశారు. ముఖ్యంగా రాష్ట్రాల సరిహద్దుల్లో ప్రతి వాహనాన్ని జల్లెడ పడుతున్నారు. తాజాగా కాంగ్రెస్‌ (Congress) అగ్రనేత రాహుల్‌ గాంధీ (Rahul Gandhi) హెలికాప్టర్‌ను వారు తనిఖీ చేశారు. 

తమిళనాడులోని నీలగిరి పార్లమెంటరీ స్థానం నుంచి పోటీ చేస్తున్న డీఎంకే అభ్యర్థి ఎ. రాజాకు మద్దతుగా రాహుల్‌ గాంధీ సోమవారం ఎన్నికల ప్రచారంలో పాల్గొన్నారు. నేటి ఉదయం ఆయన హెలికాప్టర్‌ (Helicopter) నీలగిరిలో ల్యాండ్ అయింది. ఎన్నికల ఫ్లయిండ్‌ స్క్వాడ్‌ అధికారులు దానిని తనిఖీ చేశారు. దాదాపు 10 నిమిషాల పాటు ఈ సోదాలు జరిగాయి. ఇందులో ఎలాంటి నగదు, వస్తువులు లభించలేదని అధికారులు తెలిపారు.

ఈ ప్రచారం ముగించుకుని రాహుల్‌ కేరళలోని వయనాడ్‌ వెళ్లారు. ఈ నియోజకవర్గానికి ఏప్రిల్‌ 26న పోలింగ్‌ జరగనుంది. ఇక్కడి నుంచి వరుసగా రెండోసారి పోటీలో ఉన్న ఆయన.. నేడు ఎన్నికల ప్రచారంలో పాల్గొన్నారు.