Modi 3.0 Cabinet: తేనీటి విందులో.. కాబోయే మంత్రులకు మోదీ కీలక సూచనలు

దిల్లీ: ప్రధాని మోదీ ప్రమాణ స్వీకారానికి అంతా సిద్ధమైంది. ఈ నేపథ్యంలో భాజపా నుంచి కాబోయే మంత్రులకు తేనేటి విందు కార్యక్రమం ఏర్పాటు చేశారు. దేశ అభివృద్ధి కోసం ఈ భేటీలో నేతలకు మోదీ కీలక సూచనలు చేసినట్లు తెలుస్తోంది.

కేంద్రమంత్రులుగా ప్రమాణస్వీకారం చేసిన మరుక్షణమే బాధ్యతలపై దృష్టి సారించాలని.. దేశ అభివృద్ధి కోసం చేపట్టిన ప్రాజెక్టులను సకాలంలో పూర్తి చేసేలా పనిచేయాలని మోదీ దిశానిర్దేశం చేశారు. మరికొన్ని గంటల్లో ప్రారంభం కానున్న ప్రమాణ స్వీకారంలో మోదీతో పాటు కొందరు కేంద్రమంత్రులుగా బాధ్యతలు చేపట్టనున్నారు. ఈ సారి ఇద్దరు మాజీ సీఎంలకు కేంద్ర కేబినెట్‌లో చోటు దక్కినట్లు సమాచారం. వీరిలో హరియాణా మాజీ ముఖ్యమంత్రి మనోహర్‌ లాల్‌ ఖట్టర్‌, మధ్యప్రదేశ్‌ మాజీ సీఎం శివరాజ్‌ సింగ్‌ చౌహాన్‌ ఉన్నారు.