మద్యం మాఫియా కేసులో చిలుకను విచారించిన పోలీసులు

అక్రమ మద్యం తయారీ ముఠాను పట్టుకునేందుకు బిహార్‌ పోలీసులు ఓ చిలుకను విచారించారు. అందుకు సంబంధించిన వీడియో నెట్టింట వైరల్‌గా మారింది. గయలో మద్యం మాఫియాకు సంబంధించిన సమాచారం అందుకున్న పోలీసులు.. వారిని పట్టుకునేందుకు ఓ ఇంటికి వెళ్లారు. అయితే అప్పటికే మద్యం వ్యాపారి కుటుంబం అక్కడి నుంచి పరారైంది. కానీ ఆ ఇంట్లోని పంజరంలో పెంపుడు చిలుక ఉండిపోయింది. చిలుకను చూసిన ఇన్‌స్పెక్టర్‌ దాన్ని విచారించటం మొదలుపెట్టారు. ‘మీ సర్‌ అమృత్‌ ఎక్కడికి వెళ్లాడు? వాళ్లు పాత్రలో మద్యం తయారు చేశారా?’ అని ప్రశ్నలు అడిగారు. అయితే చిలుక నోటి నుంచి ‘కటోరా’ (పాత్ర) అనే పదం తప్ప మరేమీ రాలేదు. ప్రస్తుతం పోలీసులు పరారీలో ఉన్న నిందితులను పట్టుకునే పనిలో ఉన్నారు.