అప్పటికే పదిమంది పిల్లలు.. మహిళకు ప్రియుడితో మళ్లీపెళ్లి

ఆరేళ్ల క్రితం ఆమె భర్త మరణించాడు. అప్పటికే పదిమంది పిల్లలు ఉన్నారు. ఆ తర్వాత గ్రామంలోని ఓ వ్యక్తితో ఆమె ప్రేమలో పడింది. ఏడాది క్రితం గ్రామం నుంచి ఇద్దరూ పరారై వేరేచోట కాపురం పెట్టారు. ఈ జంటను మళ్లీ స్వస్థలానికి పిలిపించి ఆలయంలో పెళ్లి చేసి పెద్దమనసు చాటుకున్నారు ఆ గ్రామస్థులు. ఉత్తర్‌ప్రదేశ్‌లోని గోరఖ్‌పుర్‌ జిల్లా బహల్‌గంజ్‌ ప్రాంతంలో ఈ ఘటన చోటుచేసుకొంది. సోనీ శర్మ(42), బాలేంద్ర (40) గ్రామపెద్దల దీవెనలతో కొత్తజీవితం ప్రారంభించారు. స్థానిక గురుకుల పీజీ కళాశాల ప్రిన్సిపల్‌ జైప్రకాశ్‌ షాహీ.. ఇద్దరినీ ఒప్పించాక గ్రామంలోని శివాలయంలో వివాహం జరిపించారు.