యువతికి అబ్బాయిగా శస్త్రచికిత్స.. ప్రేయసితో పెళ్లికి దరఖాస్తు

ఉత్తర్‌ప్రదేశ్‌లోని బరేలీలో ఓ ప్రయివేటు కంపెనీలో పనిచేస్తున్న ఇద్దరు యువతుల మధ్య స్నేహం.. ప్రేమగా మారింది. వీరిలో ఒకరిది బరేలీ కాగా.. మరొకరిది బదాయూ. ఇద్దరూ పెళ్లి చేసుకొని దాంపత్య జీవితం ప్రారంభించాలని అనుకున్నారు. కుటుంబసభ్యులు దీనికి ససేమిరా అన్నారు. దీంతో ఆ జంటలోని ఓ అమ్మాయి లింగమార్పిడి కూడా చేయించుకుంది. పూర్తి చికిత్స అనంతరం.. సంబంధిత ధ్రువపత్రంతో సహా స్థానిక సబ్‌ డివిజనల్‌ కోర్టులో రిజిస్ట్రేషన్‌ వివాహానికి వీరు దరఖాస్తు చేసుకున్నారు. ‘‘ప్రత్యేక వివాహ చట్టం కింద వారు దరఖాస్తు చేసుకున్నారు. ఈ చట్టం ప్రకారం రిజిస్ట్రేషన్‌ పెళ్లికి ఎవరైనా దరఖాస్తు పెట్టుకోవచ్చు. వీరి విషయంలో లింగ మార్పిడి చేసుకున్నాక దరఖాస్తు వచ్చింది. ఇలాంటి కేసు మా ముందుకు రావడం ఇదే తొలిసారి. చట్టం ప్రకారం ముందుకు వెళతాం’’ అని బరేలీ ఎస్డీఎం ప్రత్యూష్‌ పాండే తెలిపారు.