మోదీ చిత్రంతో విద్యార్థుల సెల్ఫీలు తప్పనిసరేమీ కాదు

కేంద్ర విద్యాశాఖ మంత్రి

దిల్లీ: ప్రధాని మోదీ చిత్రంతో విద్యార్థులు సెల్ఫీ దిగేందుకు వీలుగా కళాశాలల్లో ఒక సెల్ఫీ పాయింట్‌ను ఏర్పాటు చేయాలన్న ఆదేశాలను కేంద్ర విద్యా శాఖ మంత్రి ధర్మేంద్ర ప్రధాన్‌ సమర్థించుకున్నారు. ప్రపంచ వ్యాప్తంగా భారతీయులు గర్వపడేలా ప్రధాని మోదీ కృషి చేశారని, దేశాన్ని ఉన్నత శిఖరాలకు తీసుకెళ్లారని తెలిపారు. సెల్ఫీపాయింట్‌ వద్ద మోదీ చిత్రంతో విద్యార్థులు ఫొటో దిగాలన్నది తప్పనిసరి ఆదేశమేమీ కాదన్నారు. సెల్ఫీ కావాలనుకున్న వారు అక్కడ ఫొటో దిగుతారని గురువారం లోక్‌సభలో సభ్యులు అడిగిన ప్రశ్నకు సమాధానమిచ్చారు.