క్యాన్సర్‌ వ్యాప్తికి కొత్త ముప్పు

ముంబయి: మందులు (కీమోథెరపీ), రేడియేషను వల్ల నశించే క్యాన్సర్‌ కణాల నుంచి విడుదలయ్యే క్రోమోజోమ్‌ ఖండికలు రక్తం ద్వారా ఇతర ప్రాంతాలకు చేరి క్యాన్సర్‌ వ్యాప్తి చేస్తాయని ఇక్కడి టాటా మెమోరియల్‌ సెంటర్‌ (టీఎంసీ) అధ్యయనం కనుగొంది. మరణిస్తున్న క్యాన్సర్‌ కణాలు క్రోమాటిన్‌ రేణువులను (క్రోమోజోమ్‌ ఖండికలను) విడుదల చేస్తాయి. ఆ రేణువులు కొన్ని ఆరోగ్యవంతమైన క్రోమోజోమ్‌లలో చేరి కొత్తగా క్యాన్సర్‌ను కలిగిస్తాయని ఎలుకలపై జరిగిన ప్రయోగాలు నిర్ధారించాయి. కీమోథెరపీ, రేడియేషనుతోపాటు శస్త్రచికిత్స వల్ల కూడా ఈ ప్రమాదం ఉంటుంది. క్రోమాటిన్‌ రేణువులను నాశనం చేయగల రసాయనాలను ఇచ్చినప్పుడు ఆ రేణువులు ఆరోగ్యవంతమైన కణాల్లోకి చేరకుండా నివారించగలిగారు.